वैदेशिक रोजगारमा गएका ६ सय ४३ नेपालीको अकालमै मृत्यु
काठमाण्डौं साउन १० - काम गर्न जाने मुलुकको ट्राफिक नियम, हावापानी र भौगोलीक वातावरणसम्बन्धि जानकारी नहुँदा गत आर्थिक बर्षमा ६ सय ४३ नेपालीको अकालमै मृत्यु भएको छ । ६४ जना अंगभंग भएका छन् । यसअघि आव ०६७/६८ मा ४ सय ६६ नेपालीले ज्यान गुमाएका थिए ।
गतबर्ष सवैभन्दा बढी एकसय ७१ जनाको हृदयघातका कारण मृत्यु भएको थियो । एक सय दुई जनाले प्राकृतिक र एकसय एकजनाले सडक दुर्घटनामा ज्यान गुुमाएका छन् । कार्यस्थलमै काम गर्दा गर्दै ४१ जनाको मृत्यु भएको छ भने ६५ जनाले आत्महत्या गरेका छन् । दुईजनाको हत्या भएको र अन्य विविध कारणले एकसय ६१ जना नेपालीको मृत्यु भएको वैदेशिक रोजगार प्रवर्द्धन बोडले जनाएको छ ।
नेपाली युवालाई प्रभावकारी रुपमा अभिमुखीकरण तालिम नदिई विदेश पठाउँदा यति ठूलो संख्यामा मृत्यु भएको वैदेशिक रोजगार सुधार कार्यदलका संयोजक डा. गणेश गुरुङले बताउनुभयो ।
समाचार ऑनलाइन खबर बाट
Posted by Butwalonline
on 7:57 AM. Filed under
